СИЫРБҰРШАҚ, лобия (Vіgna) — бұршақ тұқымдасына жататын бір жылдық өсімдік. [[Қазақстанда]] суармалы жерлерде өсетін 1 түрі — қытай сиырбұршағы (V. sіnensіs) бар, оны көбіне С.Сиырбұршақ деп атайды. [[Сабағы]] тік не төсемелі, ұз.ұзындығы 20 — 200 см, жапырақтары ірі. Тостағанша жапырақшалары қоңырау тәрізді, 4 — 5 қалақты, қос ерінді. Гүлі ақ не күлгін түсті, сыртынан қарағанда сарғылт жасыл болып көрінеді, олар 2 — 8-ден бірігіп, ұзын гүлсидамында шашақ тәрізді гүлшоғырын құрайды. [[Маусым]] — [[тамыз]] айларында гүлдеп, шілде — [[қыркүйекте]] жеміс салады. Жемісі — бұршаққап. С-тыңСиырбұршақтың дәні дәмді, қоректілігі жоғары (құрамында 24 — 28% белок, 2%-дай май болады), тағамға, жемге қосылады, көк балаусасы пішенге, сүрлемге салуға және тыңайтқыш ретінде пайдаланылады. С-тыСиырбұршақты жылқыдан басқа мал түлігінің бәрі жейді.