Қалдыбаев Оразбек

Қалдыбаев Оразбек - (19.11. 1937 жылы туылған, Оңтүстік Қазақстан облысы Түлкібас ауданы) – экономика ғылымдарының докторы (1988), профессор (1991). ҚазПИ-ді (1961, қазіргі ҚазҰПУ) бітірген. Қазақ КСР-і ҒА-да аға лаборант, зерттеуші (1961–67), Қазақ КСР-і Мемлекеттік жоспарлау клмитеті есептеу орталығында лаборатория бастығы (1967–70), Қазақстан ҒА-ның Экономика институтында аға ғылыми қызметкер, сектор меңгерушісі (1970–81), Алматы халық шаруашылық институтында (қазіргі Қазақ экономика университеті) кафедра меңгерушісі (1989), «Ұлағат» университетінің ректоры (1993) қызметтерін атқарған. «Совершенствование планового управления эффективностью производства в промышленности (вопросы теории, методики и практики)» деген тақырыпта докторлық диссертация қорғады. 130-дан астам ғылыми жарияланымның авторы.