Дэвид Бекхэм — нұсқалар арасындағы айырмашылық

 
== Өмірбаяны ==
Бекхэмнің ата-насыанасы "[[Манчестер Юнайтед|Манчестер Юнайтедтің]]" жанкүйері болған, клубтың әрбір ойынын [[Лондон|Лондоннан]] қатынап жүріп тамашалайты. Бекхэм де ата-анасының жолын қуып, манчестерлік клубтың жанкүйері болды. Бобби Чарльтонның Манчестердегі футбол мектебіне қабылданып, клубтың жастар командасындай ойнай бастайды.
 
14 жасында клубтың академиясымен келісім шарт жасасты. 1992 жылы клуб сапында Англия жастар кубогының иегері атанды.
1994/95 жылғы маусымды "Престон Норт Енд" клубында арендада өткізді. Бес кездесуде алаңға шығып, екі гол соқты, соның бірін бұрыштамадан тікелей қақпаға теуіп енгізді.
 
1995 жылы көктемде туған клубына оралды. 2 сәуір күні "Лидс Юнайтедке" қарсы ойында [[Англия Премьер-лигасы|Англия Премьер лигасындағы]] тұңғыш ойынын өткізді. 1996/97 жылғы маусымды алаң ортасынан соққан керемет голымен бастады ("Уимблдон" қақпасына). Осы жылдан бастап құрамаға шақырылып тұратын болды. Көп ұзамай клубтағы негізгі құрамға да орнығып алды.
 
1998/99 жылғы маусым Бекхэм үшін жетістіктер мен жүлделер жылы болды. Англия чемпионы, УЕФА чмепиондар лигасының жеңімпазы, Англия кубогы секілді командалық жетістіктерге қол жеткізді.
 
2003 жылы жазда "Бекхэм "[[Реал Мадрид|Реал Мадридке]]" ауысады екен" деген жыл сайын қаулайтын қауесет расқа айналды. Испандық клубтағы карьерасы [[Футболдан Испания суперкубогы|Испания суперкубогын]] жеңіп алумен басталды. Кубок жолында "Реал" "Малоркамен" ойнады да, Бекхэм тұңғыш голын да соғып үлгерді.
 
2003-2007 жылдары "Реал" жүлделер дағдарысына ұшырады, осы аралықта клубқа жиналған [[Зинедин Зидан|Зидан]], [[Луиш Фигу|Фигу,]] [[Майкл Оуэн|Оуэн]], [[Роналдо]] секілді кіл жұлдыздар клубқа оншалық пайда әкелмеді. 2006 жылы клуб президенті боп Рамон Кальдерон тағайындалды да, клуб құрамын жаңарту және жасарту мақсатына көшті. Нәтижеде 2007 жылдың жазына дейін корольдық клубта жоғарыда аталғандарың ешқайсысы қалмады, Бекхэм де 2006/07 жылғы маусымнан соң клубты тәрк етті. Кетерінің алдында көптен күткен Испания чемпиондығына қол жеткізді. 2007 жылы 17 маусымда "[[Мальорка (футбол клубы)|Мальоркаға]]" қарсы "Реал" сапындағы соңғы ойынын өткізді.
 
2007 жылы жазда "Лос-Анжелес-Гэлакси" қатарын толықтырды. 2007 жылы 15 тамызда "Ди Си Юнайтедке" қарсы Солтүстік Америка суперлигасында клуб капитаны ретінде алаңға шықты.
 
2008 жылы қаңтар айында [[Арсенал (футбол клубы, Лондон)|"Арсенал" (Лондон)]] клубының жаттығу базасында клуб мүшелерімен бірге жаттықты. "Бекхэм "Арсеналға" ауысады екен" деген сыбыстар тарағанымен, бәрі бос әңгімеге айналып, Бекхэм АҚШ-қа қайта оралды.
 
2009 жылы қаңтарға Еуропаға оралып, "[[Милан (футбол клубы)|Миланға]]" жалға берілді. Ұзамай-ақ, 11 қаңтарда россонерилер сапындағы тұңғыш ойынын өткізді, екі аптадан соң, 25 қаңтарда "[[Болонья (футбол клубы)|Болонья]]" қақпасына тұңғыш голын соқты.
 
2009 жылы жазда "Лос-Анжелес-Гэлаксиге" қайта оралды. Бірақ алаңға көп шыққан соң, мұнысы клубтың жанкүйерлерінің ызасын тудырды. Соған қарамастан Бекхэм 2009 жылдың екінші жартысын жоғары деңгейде өткізді. Капитандық міндетке енді бұл емес, [[АҚШ Ұлттық футбол құрамасы|АҚШ Ұлттық құрамасының]] мүшесі [[Лэндон Донован]] тағайындалғанымен, Бекхэм оған ренжи қоймады, жап-жақсы ойнады. Бірақ 2010 жылдың басында тағы да "Миланға" жалға берілді.
 
2010 жылы жазда "Лос-Анжелес-Гэлаксиге" тағы да қайта оралды.
 
2013 жылдың басында клуб 37 жастағы футболшымен келісім шартты одан әрі созғысы келмеді.
 
2013 жылы "[[Пари Сен-Жермен]]" клубына ауысып, маусым соңына дейін ойнады. Сол жылы мамыр айында футболмен қоштасты. Осы маусымда Франция чемпионы атанды.
 
=== Ұлттық құрамада ===
Англия құрамасы сапында 1996 жылы 1 қыркүйекте Молдоваға қарсы ӘЧ-1998 іріктеу ойынында тұңғыш рет алаңға шықты. 1998 жылғы әлем чемпионатына қатысып, топтық кезеңнің соңғы турында Колумбия қақпасына бір гол соқты. 1/8 финалда Аргентинамен ойында жоқ жерден алаңнан қуылды: өзін қайта-қайта шалып құлата берген Диего Симеоны рұқсат етілмеген соққы жұмсаймын деп жазаланды.
 
2000 жылғы Еуропа чемпионатының бірінші турындағы Португалиямен ойында екі нәтижелі пас шығарды, Англия 2:0 есебімен алға шыққанымен, 2:3 есебімен ұтылып қалды.
 
2002 жылғы әлем чемпионатының қарсаңында ауыр жарақат алды: додаға екі ай қалғанда УЕФА чемпиондар лигасындағы "Манчестер Юнайтед" - "Депортиво Ла-Корунья" кездесуінде аргентиналық Альдо Душер мұны оңдырмай құлатып, сол аяғын сындырды. Дәрігерлердің "әлем чемпионатына бара алмайды" деген қорытындыларына қарамастан, Бекхэм толық болмаса да айықты да, чемпионатқа қатысты. Топтық турнирдің бірінші матчында оның бұрыштан асырған добын Сол Кэмбел баспен ұрып гол соқты. Екінші турда Аргентина қақпасына пенальтиді дәл соғып, матч тағыдырын шешкен жалғыз голдың авторы атанды.
 
== Жетістіктері ==