Шегіргүл тұқымдасы: Нұсқалар арасындағы айырмашылық

==Шегіргүл тұқымдасы==

 

 

'''Шегіргүл тұқымдасы''' (Vіolaceae) — [[қос жарнақты]], шөптесін [[өсімдіктер]], кейде [[бұта]], [[шала бұталар]]. [[Жер]] шарында кең тараған, негізінен [[тропик|тропиктік]], [[субтропик|субтропиктік]] және [[қоңыржай]] аймақтарда өсетін 22 туысы, 900-ден астам түрі белгілі. [[Қазақстан|Қазақстанда]] бір туысы — шегіргүл бар. [[Жапырақ|Жапырақтары]] кезектесіп орналасады. [[Гүл|Гүлдері]] дұрыс кейде бұрыс пішінді, ірі, қос жынысты (дара жыныстылары өте сирек кездеседі), жеке кейде шоғырланып өседі. [[Тостағанша]], [[күлте жапырақшалары]] және аталықтарының саны бесеуден;[[гинецейі]](жабықтұқымды өсімдіктер гүліндегі аналық жиынтығы) 3, сирек 2 — 5 [[жеміс]] жапырақшаларынан құралады. [[Жеміс|Жемісі]] — үш қақпақты [[қорапша]], сирек жидек немесе жаңғақ түрінде болады, олар піскен кезде қақырап ашылады. Шегіргүл тұқымдасын [[әдемі]] гүлдері үшін сәндік өсімдік ретінде қолдан өсіреді; көпшілік түрлері эфир майлы және дәрілік өсімдіктер. Оңтүстік [[Америка|Америкада]] өсетін Leonіa glycycarpa өсімдігінің жемісі жеуге жарамды.