Сексеуіл (1, 2) — нұсқалар арасындағы айырмашылық

Түйіндемесі өңделмейді
(Жаңа бетте: СЕКСЕУІЛ-1, 2 — неолит және энеолит дәуірлерінің тұрақтары. С.-1 ескерткіші Қызылорда обл. Арал ауд...)
 
СЕКСЕУІЛ-1, 2 — неолит және энеолит дәуірлерінің тұрақтары. С.-1 ескерткіші[[ Қызылорда обл.]] [[Арал ауд.]] [[Сексеуіл]] ст-нан солт-ке қарай 8 км жерде. 1955 ж. [[Хорезм]] археол.-этногр. экспед. (жетек. [[С.П. Толстов]]) ашып, зерттеген. Тұрақтан тісті қалыппен өрнек түсірілген түбі дөңгелек құмыра сынықтары, сүңгі, найза мен жебе ұштары, тас түйреуіштер, тас жаңқадан дайындалған қырғыштар, трапеция пішіндес қыстырмалар, бір шетті қырғыштар, тескіштер, түзетілген пышақ тәрізді тас тіліктері, ұлутастан жасалған әшекейлік бұйымдар, т.б. заттар жинастырылған. С.-2 тұрағы Сексеуіл ст. аумағынан табылған. Зерттеу жұмыстарын 1938 ж. [[Л.И. Боровлев]], 1944 ж. [[Г.А. Яншин]] басқарған геол. топ, 1955 ж. Хорезм археол.-этногр. экспед. жүргізді. Ескерткіштен шақпақ тастан дайындалған құралдар, тас жаңқалары, жебе ұштары, көлемі мен бітімі әр түрлі қырғыштар, түбі жайпақ қыш ыдыс сынықтары жинастырылған. Жебе ұштары екі жағынан қысып түзету арқылы мұқият өңделген; олар ойықтау сағалы, қалақша бітімді келеді. Сондай-ақ найза мен сүңгі ұштары табылған. С. ескерткіштерінен мал сүйектері көп шыққан. Олардың 80%-ы қолға үйретілген мал сүйіктері екендігі анықталған. Бұл Қазақстан аумағын мекен еткен байырғы тұрғындардың неолит дәуірінде өнім өндіруге көшкендігін аңғартады.
534

өңдеме