Оразғали Бурабаев: Нұсқалар арасындағы айырмашылық

'''Оразғали Бурабаев''' (1898, бұрынғы [[Сырдария]] облысы, [[Қазалы]] уезі, [[Заңғар]] болысы, 1938) – [[қайраткер]], [[саяси қуғын-сүргін]] құрбаны. 1933 жылы [[Мәскеу]]дегі [[Бүкілодақтық жоспарлау академиясы]]н бітірген. 1918 – 19 жылдары Қазалыда балалар коммунасының нұсқаушысы, [[Ырғыз]]да земство басқармасының көшірушісі болды. 1919 – 20 жылдары 2-Қостанай қазақ атты әскер полкінің құрамында болды, кейіннен [[Орынбор]] қаласындағы атты әскер командирлерін даярлайтын курста оқыды. 1921 – 22 жылдары 16-дүнген [[полк]]інде қызмет етті. 1922 – 24 жылдары [[Ташкент]] қаласында [[Түркістан]] облысы партия коммитетінің нұсқаушысы, [[Қарақалпақ]] облысы коммитетінде бөлім меңгерушісі, [[Қазалы]] уездік атқару коммитеті төрағасының орынбасары, 1924 – 26 жылдары Ташкентте мемлекеттік мүлік және жерге орналастыру бөлімдерінің меңгерушісі, Әулиеата уездік атқару коммитетінің төрағасы болды. 1927 – 29 жылдары Қазақ ет өнімдері басқарамасының төрағасы, Көкшетау округтік атқару коммитетінің төрағасы, [[Петропавл]] округтік атқару коммитеті төрағасының орынбасары, 1929 – 30 жылдары [[Ақмола]]да “[[Қарағандыкөмір]]” тресті басқарушысының орынбасары, 1933 жылдың тамызынан 1934 жылдың ақпанына дейін [[Қазақ АКСР]]-і егін шаруашылығы халық комиссарының орынбасары, 1934 – 36 жылдары [[Оңтүстік ҚазақстанТүркістан облысы]] жер басқармасының бастығы, 1936 жылдың тамызынан 1937 жылдың қазанына дейін Қазақ КСР-і әділет халық комиссары қызметтерін атқарды. 1937 жылы қазанда тұтқындалып, ату жазасына кесілді. 1959 жылы қаңтарда ақталды.