Мұхтар Омарханұлы Әуезов: Нұсқалар арасындағы айырмашылық

Ол қазіргі [[Шығыс Қазақстан облысы]]ның [[Абай ауданы|Абай ауданындағы]]ндағы Бөрілі деген жерде [[1897]] жылы 28 қыркүйекте туған. Шыққан руы [[қожа]]. Мұхтардың атасы Әуез ескіше сауаты бар, араб, парсы, ортазиялық түркі әдебиетімен таныс болған. Мұхтар бала кезінде атасының үйретуімен арабша хат таниды. Мұхтардың әкесі Омархан да, атасы Әуез де Абай аулымен іргелес отыратын, құдалы, дос-жар адамдар еді. 1908 жылы Семейдегі Камалиддин хазірет медресесінде оқып, одан кейін орыс мектебінің дайындық курсына ауысады. 1910 жылы Семей қалалық бес кластық орыс қазына училищесіне оқуға түсіп, соңғы класында оқып жүргенде «Дауыл» атты алғашқы шығармасын жазады.

Училищені 1915 жылы аяқтап, [[Семей]] [[М.О. Әуезов атындағы педагогикалық колледжі|қалалық мұғалімдер семинариясына]] түседі. Семинарияда оқып жүріп [[Шәкәрім Құдайбердіұлы]]ның «Жолсыз жаза» дастанының негізінде «[[Еңлік- — Кебек (пьеса)|Еңлік-Кебек]]» пьесасын жазып, оны 1917 жылы маусым айында Ойқұдық деген жерде сахнаға шығарады.