Кеңесбай Табылдиев

Табылдиев Кеңесбай (29.4. 1931 жылы туылған, Тараз қаласы) – ғалым, геологиялық-минералдар ғылыми докторы (1997). Қазақ кен-металлургия институтын бітірген (1953). 1953 – 57 жылы Қаратау кен-химия комбинатының Шолақтау кенішінде геолог; 1957 – 76 жылы Қазақ КСР ҒА-ның Геология ғылымдар институтында кіші ғылыми қызметкер, сектор меңгерушісі; 1976 – 86 жылы Қазақ политехника институтының Ақтаудағы факультеті жалпытехникалық меңгерушісі; 1986 – 90 жылы осы институттың доценті; 1990 – 92 жылы Қазақ политехникалық институты филиал кафедрасының профессоры; 1996 жылдан ҚР ҰҒА-ның Қ.И. Сәтбаев атындағы Геология ғылымдар институтының ғылыми қызметкері. Табылдиев Қазақстандағы металсыз кен орындарының қалыптасу заңдылықтарына, республиканың батыс аймақтарындағы тұз күмбездерінің ішкі құрылыстарына, микротыңайтқыштардың шикізат базасына зерттеулер жүргізді. Табылдиев Қаратау фосфориттерін формациялық және литолого-фациалық әдістерімен талдауды, жоғары сапалы жаңа фосфорит кендерін іздеп табу жолдарын анықтады. 50-ден аса ғылыми жарияланымдардың, бір монографияның авторы. Бірнеше медальдармен марапатталған.

Сілтеме

Тараз энциклопедиясы