Бадр әд-Дин әл-Айни: Нұсқалар арасындағы айырмашылық

БАДР әд-ДИН әл-АЙНИ (1360, [[Сирия]], Айнтаб қаласының — 1451) — [[тарихшы]], заңгер. Жастайынан түрік тілін жетік меңгерген. Кейінірек Каирге қоныс аударып, онда бірқатар жоғары қызметтер атқарған. Шығармаларының ең көрнектісі — “Иқд әл-джуман фитарих ахл әз-заман” (“Өз заманындағы адамдар тарихы жөніндегі маржан алқа”). 4 томнан тұратын жалпы тарихқа арналған бұл еңбекте дүниенің жаратылысынан бастап, 1446 жылға дейінгі тарихи оқиғалар баяндалады. [[Шыңғыс хан]] шапқыншылығы кезеңі мен [[Алтын Орда]] дәуіріндегі [[Қазақстан]] тарихын зерттеуде Бадр әд-Дин әл-Айни еңбектерінің маңызы зор. Оларда Дешті Қыпшақ түріктерін [[ислам]] дініне бағындыру мезгілі мен себептері, қыпшақтардың орыстармен одақ құрып, Шыңғыс ханға қарсы күресуі, тұтқынға түскен Дешті Қыпшақ түріктерінің [[Сирия]] мен [[Египет|Египетке]] сатылуы жөнінде құнды деректер бар. [[Алтын Орда]] хандары туралы мәліметтер беріліп, Дешті Қыпшақтың ішкі саяси және шаруашылық жағдайы, 1302 — 1305 жылдардағы жұт жайлы айтылады. [[Египет|Египетпен]] одақ құрып, өзара достық, [[сауда]] қатынасының орнатылуы жөнінде деректер келтірілген. Бадр әд-Дин әл-Айни шығармаларының кейбір үзінділері орыс және [[Еуропа]] тілдеріне аударылған. <ref>Қазақ Энциклопедиясы, 1 том</ref>

<references />

{{stub}}