'''КЕЙНСШІЛДІККейнсшілдік''' (ағылшынша экономисі әрі публицисі Дж. Кейнстің есімімен) – [[экономика|экономикалық]] қызметті мемлекеттік реттеу қажеттігін жақтайтын экономикалық саясат. [[Дж. Кейнс]] – қатаң баға белгіленіп [[монополия|монополияландырылған]] экономиканың [[заң|заңдылықтарын]] тұңғыш зерттеуші. Ол нарық тетіктерінің құдіретті емес екендігін‚ [[жұмыс|жұмысқа]] жарамды халықтың жұмыспен толық қамтылмауы және өндірістік қуаттардың жұмыс істеуі жағдайында тепе-теңдіктің (тепе-тең шаманың) орнатылуы мүмкін екенін көрсетті. Ол және оның ізбасарлары [[дағдарыс|дағдарыстар]] және сылбыр шаруашылық жағдаяты (конъюнктурасы) кезеңдерінде орнықты [[экономика]] өсуді және жоғары деңгейде жұмыспен қамтуды қамтамасыз ету үшін ағылшын үкіметіне экспансиялық қаржы саясатын (мемлекеттік шығысты ұлғайтып‚ салықтарды төмендету) және несие-[[ақша]] саясатын (айналыстағы ақша санын көбейту) жүргізуді ұсынды. Оның пікірінше‚ мемлекет жұмыссыздық пен [[инфляция|инфляцияның]] өсуін жою мақсатында‚ [[экономика]] саясатқа араласып‚ оны жүргізуге‚ сұранымның жалпы шамасына ықпал етуге тиіс. [[Идея|Идеяның]] мәнісі сұранымның көлемін ұлғайта отырып‚ жұмыссыздықтың көбеюін жоюға‚ ал оны қысқарта отырып‚ [[инфляция|инфляцияның]] өсуін болдырмауға болады дегенге саяды.
