'''КӨКШОҚЫКөкшоқы'''– [[Айтау]] тауларының солтүстік-батысындағы тау. [[Жамбыл облысы]] [[Шу ауданы]] [[Хантау]] кентінің оңтүстік-шығысында 38 км жерде орналасқан. Шу өзені аңғарында. Абсолют биіктігі 824 м. Солтүстік-батыстан оңтүстік-шығысқа қарай 3 км-ге созылып жатыр, енді жері 1,5 км. Беткейі көлбеу, бірнеше ұсақ шоқылардан тұрады. Батысынан [[Үлкен Жиделі]] өзенінің саласы бастау алады. [[Тау]] [[каледон-герциндік]] тау түзілу процесінде қалыптасқан. Палеозойдың гнейстерінен, кристалды тақтатастан, каледондық граниттен түзілген. Таудың саздақты бозғылт топырағында жусан бітік өседі. Кейбір жерлерінде ши шоғырлары кездеседі.
