Көп үйлі өсімдіктер: Нұсқалар арасындағы айырмашылық

'''КӨП ҮЙЛІ ӨСІМДІКТЕР''', полигамиялы өсімдіктер – қос жынысты гүлдерімен қатар дара жынысты гүлдері де болатын өсімдіктер. Мұндай өсімдіктердің гүл құрамы әр түрлі болады. Бір өсімдікте қос жынысты гүл және жеке аталық гүл (томардәрі, т.б.), қос жынысты гүлден басқа дара аналық гүл (күрделігүлділер тұқымдасы), қос жынысты гүлдермен қатар дара аталық және аналық гүлдері (аткаштан, т.б.) де болады. Мұнымен қатар бір өсімдікте қос жынысты гүл, екіншісінде аналық гүл (ботакөзде, еріндігүлділер тұқымдасының көбінде), қос жынысты және аталық, аналық гүлдері жеке өсімдіктерде де кездеседі (шетен, жүзім, т.б.). Өсімдіктердің көп үйлі болуы олардың айқас тозаңдануына мүмкіндік береді.<ref>Қазақ Совет энциклопедиясы 6 том 41 бет, Бас редактор М.Қ.Қаратаев, Алматы 1975</ref>