Жармыш: Нұсқалар арасындағы айырмашылық

'''Жармыш''' — [[Маңғыстау облысы|Маңғыстау облысының]] [[Маңғыстау ауданы|Маңғыстау ауданындағы]] ауыл, ауылдық әкімшілік округі орталығы. Аудан орталығы — [[Шетпе]] кентінен шығысқа қарай 25 км жерде, Маңғыстау тауларының солтүстік-шығыс баурайында, боз жусан аралас астық тұқымдас шөптесін өскен сұр, сортаң сұр топырақты шөлдік белдемде орналасқан. Тұрғыны 1,6 мың адам (1999). Іргесі 1930 жылдардың бас кезінде ауыл шаруашылығы ұжымдастыруға байланысты “''Бозащы''” ұжымшарының орталығы болып қаланды. 1969 жылдан қаракөл қой кеңшарының орталығы болды. 1997 жылдан кеңшар негізінде 19 шаруа қожалықтары құрылды. Жармышта орта мектеп, фельдшерлік-акушерлік пункт, клуб, сауда, т.б. әлеум. және мәдени-ағарту мекемелері бар. Ауылдың солтүстік жағынан Сайөтеш — Бозащы су құбыры өтеді. Одан Жармышқа су құбыры тартылған. Тұрғындары көрші елді мекендермен [[автомобиль]] жолы арқылы қатынасады.