'''Балшөп ''' (Megacarpaea) – [[орамжапырақтар тұқымдасы|орамжапырақтар тұқымдасына]]на жататын көп жылдық шөптесін өсімдіктер туысы. [[Моңғолия]], [[Қытай]], [[Орталық Азия|Орта Азияда]] өсетін 10-нан аса түрі белгілі. [[Қазақстан|Қазақстанда]] шөлейт, сортаң жерлерде, далаларда, тау беткейлерінде, өзен аңғарларында өсетін 5 түрі бар. Оның ішінде Мұғалжар Балшөбі – [[эндемик]] болып саналады. Жиі кездесетін түрі – ірі жемісті Балшөп (M. megalocarpa). Оның биікт. 20 – 40 см, дара сабақты, жапырақтары түкті, көкшіл сұрғылт түсті болады. Гүлдері селдір шашақ тәріздес гүлшоғырына топталған. Күлтелері көкшіл қызғылт. Сәуір – мамыр айларында гүлдейді. Қызғылт жемісінің пішіні жалпақ, беті тегіс келеді. Балшөптің крахмалға бай тамырын пісіріп не шикі күйінде жеуге болады. Тұқымында [[күнжіт]] майы сияқты май бар. Жайылымда түйе сүйсініп жейді. Көкөніс ретінде қолдан да өсіріледі.