Жантақ: Нұсқалар арасындағы айырмашылық

'''Жантақ''' (Alhagі) — [[бұршақ]] тұқымдасына жататын көп жылдық [[өсімдік]]. Бұтақталып өседі. [[Қазақстан|Қазақстанның]] шөл далалық аудандарында сұр, құмайт және сортаң топырақты жерлерде, [[өзен]] [[аңғар|аңғарларында]], [[тау]] бөктерлерінде өседі. [[Арамшөп]] ретінде суармалы егістікте де кездеседі. 4 түрі бар, ең жиі кездесетіні — кәдімгі жантақ (A. pseudalhagі) және [[қырғыз]] жантағы (A. kіrghіsorum). Олардың биіктігі 30 — 100 сантиметр. Тамыры ұзын (10 метрге жетеді), тамыр сабақтары 20 — 30 сантиметр тереңдікте болады, көбіне осы тамырлары арқылы көбейеді. Сабағы бұтақтанып біткен, тікенді, сырты жылтыр, бүртікті. Жапырағы [[жұмыртқа]] пішінді, [[домалақ]], бүтін жиекті. Гүлі — қызыл. Мамыр — маусым айларында гүлдеп, тамызда жеміс береді. Жемісі — бұршақ. Дәні бүйрек пішіндес не төрт бұрышты. Жантақ— дәрілік өсімдік, оның қабығында [[қант]], [[илік заттар]], [[эфир майы]], ал тамырында [[алкалоид|алкалоидтар]], [[глюкозид|глюкозидтер]], [[шайыр]], бояғыш заттар болады. жантақтан алынған дәріні қуыққа [[тас]] байланғанда, [[өт]], несеп жолдары қабынғанда ішеді. Оның тұнбасынан [[геморрой|геморройға]] қарсы ванна жасайды. Гүлінен ара бал жинайды. Жантақты түйе сүйсініп жейді. [[Жүгері]], [[қамыс|қамыспен]] бірге жақсы сүрленеді. <ref name=”source1”> [[Қазақ тілі терминдер сөздігі]] I том </ref>