Құлжанова: Нұсқалар арасындағы айырмашылық

'''''Нәзипа Сегізбайқызы Құлжанова''''' <ref>“Қазақ Энциклопедиясы”, VI-том</ref> (Сағызбайқызы) (27.7.1887, Торғай қаласы – [[1934]]) – ағартушы-педагог, [[этнограф]], [[журналист]]-аудармашы. [[1902|1902 жылы]] Қостанайдағы орыс-қазақ гимназиясын бітірген, [[Найман]] тайпасының [[Ергенекті]] руынан. 1903 – 04 жылдары [[Торғай]]дағы қыздар училищесінде, 1905 – 20 жылдары Семей қаласындағы оқытушылар семинариясында ұстаздық еткен. [[1913|1913 жылы]] [[Орыс география қоғамы]]ның [[Семей]] бөлімшесіне, “Азамат серіктігі” ұйымына мүше болған. Орыс география қоғамы [[Семей]] бөлімшесінің атынан 1914 жылы 26 қаңтарында [[Абай]]дың қайтыс болғанына 10 жыл толуына орай және 1915 жылы 13 ақпанында Петроградтағы [[мұсылман]] ауруханасы мен мұқтаж қазақ шәкірттеріне қаржылай көмек көрсету мақсатында әдеби кештер ұйымдастырды. ''“[[Қазақ газеті|Қазақ]]”, “[[Сарыарқа (газет)|Сарыарқа]]”'' және ''“[[Алаш (газет)|Алаш]]”'' газеттеріне әйел мәселесіне байланысты мақалалар жариялады. [[1917|1917 жылы]] Семей облысы қазақ съезіне қатысып, оның төралқасы құрамына енді. 1920 жылы Қырғыз (қазақ) АКСР Оқу-ағарту халық комиссариатының қазақ тілінде оқулықтар, кітаптар шығару мен баспасөз істері жөніндегі арнаулы комиссия құрамының мүшесі болған. Осы қызметте жүріп, жаңа қазақ әліпбиін енгізу жөніндегі ОК-нің құрамына мүшелікке енген. 1922 жылы [[Еңбекші Қазақ газеті|“Еңбекші қазақ” газеті]] редакция алқасының мүшесі, 1923 – 25 жылдары ''“Қызыл Қазақстан”'', 1925 – 29 жылдары ''“Әйел теңдігі”'' журналдарында жауапты қызметтер атқарған. ''“Мектептен бұрынғы тәрбие”'' ([[Орынбор]], 1923),'' “Ана мен бала тәрбиесі”'' ([[Қызылорда]], 1927) әдістемелік [[кітап]]тарын шығарды. Өнертанушы [[Затаевич|А.А. Затаевич]] Құлжановадан ''“Ғайни-ау, сәулем”, “Қадыр зары”'' әндерін жазып алған. ''“Айқап”, “Қазақ”, “Бірлік туы”, “Алаш”'' басылымдарында оқу-ағарту, мәдениет мәселелері туралы мақалалары жарияланған.<ref>Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6</ref>