Өркениет: Нұсқалар арасындағы айырмашылық

Ағартушылық дәуірінде Өркениет әлеуметтік-мәдени дамуды сипаттау үшін қолданылды. 19 ғ-да [[Шпенглер]] мен [[Тойнби]] еңбектерінде бұл термин өзіндік ерекшелігі бар, жергілікті қауымдастық мағынасында, яғни<i> “тарихи өркениеттер”</i> ([[Қытай]], [[Вавилон]], [[Түркі]], [[Мұсылман]], [[Орта ғасыр]], т.б.) ретінде қолданылды. Дегенмен Өркениетті саралаудың бірегей өлшемдері мен ұстанымдары әлі күнге дейін жасалған жоқ. Соңғы кездері Өркениетке бір аймақта тұратын халықтардың тарихи тағдырластығы, олардың арасындағы ұзақ әрі тығыз мәдени байланыс нәтижесінде әлеум. ұйымдасу мен реттелудің этносаралық жергілікті қауымдастығы деген анықтама берілді. Өркениет категориясы мәдени типтерді зерттеуде немесе мәдени-тарихи типологияны жасауда кеңінен қолданылады. Сондай-ақ Өркениет типтерін шығыс және батыс деп бөліп, <i>“ғаламдық Өркениет”</i> және <i>“техногендік Өркениет”</i> ұғымдары да қолданылады. Мәдениеттанушылар Өркениетті <i>“мәдениет”</i> ұғымымен салыстыра қарастырады. [[С.Хантингтон|С.Хантингтонның]] жіктемесі бойынша, қазіргі әлемде батыстық, [[латын америка|латын америкалық]], [[православия|православиялық]], [[ислам|исламдық]], [[конфуций|конфуцийшілдік]], [[үнді-будда|үнді-буддалық]], [[қиыр шығыс]] және [[африка|африкалық]] секілді 8 суперөркениет қатар өмір сүруде. Қазіргі отандық мәдениеттану ғылымында қазақ өркениеті ұғымы қалыптасты. Ол ежелгі көшпелі өркениеттерден бастау алып ([[сақ]], [[үйсін]], [[қаңлы]], [[ғұн]], ортағасырлық түркілік дала империялары, [[Алтын Орда]], [[Ақ Орда]], т.б.), кейін қазақ хандығы тұсында қалыптасқан, түркі-соғды, түркі-араб синтездері нәтижесінде исламдық суперөркениеттің құрамына енетін этномәдени бірлестікті сипаттау үшін қолданылады (қ. Дала өркениеті).
Қазақ Өркениеті 3 үлкен өркениеттердің (православиялық, исламдық, конфуцийлік) тоғысқан жерінде орналасқан. <br>

1) еуразиялық көшпелілер кеңістікті игеруде адамзат тарихындағы бірінші жетістікке жетті;<br> 2) көшпелілер шөл мен шөлейттерді үйлесімді игере алды;<br> 3) еуразиялық көшпелілер тарих катализаторлары ([[А.Вебер]]) қызметін атқарды, олардағы миграциялық процестер жаңа өркениеттердің қалыптасуының себебі болды ([[Үнді]], [[Иран]], [[Ғұн мемлекеті]], [[Араб Халифаты]], т.б.);<br> 4) [[Ұлы Жібек жолы]] және басқа да мәдени байланыс жүйелері арқылы түркілер батыс пен шығыстың арасында дәнекерлік қызмет атқарды, олардың сұхбатына себепкер болды;<br> 5) қазақтың арғы тектері әлемдік өркениеттіліктің шалбар, алдаспан, киіз үй, күйме, металл өңдеу, зергерлік, ұсталық сияқты артефактілерін алғашқылардың бірі болып енгізді;<br> 6) түркілердің әмбебап дүниетанымдық жүйесі – тәңіршілдік адамдық ынтымақтастық пен келісімділіктің маңызды формасы болды;<br> 7)<i> “адам бол!”</i> ұстанымы, әлемді жарық дүние деп түсіну, адамның көңіл-күйіне мән беру, ғарышпен және адамдармен үйлесімділікте болу, жасы үлкендер мен баланы қастерлеу сияқты қазақтың дәстүрлі әдеп жүйесінің құндылықтары қазіргі руханиятта ерекше орын алады. Қазіргі қазақ Өркениеті алдында ұлттық архетиптерді сақтай отырып, оларды қазіргі әлемдік Өркениет құндылықтарымен үйлесімді ету міндеті тұр.<ref> Саяси түсіндірме сөздік. – Алматы, 2007.