Отыншы Әлжанов — нұсқалар арасындағы айырмашылық

Түйіндемесі өңделмейді
шNo edit summary
No edit summary
'''Әлжанов Отыншы''' -1873 жылы [[Семей]] облысы, [[Зайсан]] уезі, [[Нарын]] болысында туған Әкесі Әлжан Сақауұлы дәулетті әрі ықпалды болыс болған екен. Көзі ашық әке баласының ата дәулетіне арқа сүйеп, өз қатарынан қалып қоймауы үшін оны елдегі жақсы адамдардан үлгі алып, өнер білім іздеуге баулыды. [[Алаш]] қозғалысының көр­нек­ті өкілі, [[Алашорда]] үкіме­тінің мүшесі, [[Жетісу|Жетісудағы]] алаш қозғалысының басшы­ла­рының бірі, ағартушы-публицист, халық мұғалімі.
1873 жылы 12 тамызда Се­мей облысы, Зайсан уезі, На­рын болысының №6 ауы­лын­да ауқатты отбасында туған. Омбы облыстық архи­вінде сақталынған Омбы мұғалімдер семинариясын­дағы іс-қағаздарында Отын­шыны 1875 жылы туған деп көрсетеді.
 
1882-1887 жылдары Зай­сан­­дағы [[қазақ]] балаларына арналған бастауыш мектеп­те, 1887-1890 жылдары Омбы уездік училищесінде оқып, 1894 жылы Омбы мұ­ғалімдер семинариясын бас­тауыш мектеп мұғалімі деген атақпен бітіріп шығады. Отын­шының қолы шебер болуы керек, себебі қолөнер сабағынан үнемі мақтау қағазын алып отырған екен. Семинария бітірісімен Дала генерал-губернаторы кең­се­сінің қызметкері, 1895-1897 жылдары Ақмола об­лыстық сотының аударма­шысы болып қызмет атқа­рып, 1897 жылы 3 айдай Ат­басар уезін­де бүкілресейлік халық сана­ғын жүргізуге қатыса­ды. Соңғы қызмет орны, Омбы округтік со­тында 1898-1907 жылдары аудар­машы болады.
 
О.Әлжанов семинарияда оқып жүрген кезден бастап, «Дала уалаяты» газеті және басқа да баспасөз беттерінде оқу-ағарту саласы бойынша, сайлау кезіндегі ру тартысы мен жікшілдіктің зиянды­лы­ғы жөнінде, шаруашы­лық­ты өркендету, қазақтың әдет-ғұрып заңдары туралы көкейкесті мақалалар және ауыз әдебиеті үлгілерін жариялап отырды.
Азамат соғысы жылдары Лепсіде жұтаған елге көмек көрсету комитетін құрады. Милиция жасақтап «Елдің басына мынандай пәле туып тұрғанда мен бұларды тастап кете алмаймын, өлсем-тіріл­сем де бірге көремін», – деп елді қорғауға бел байлайды.
 
Өзінің жігіттерімен Жетісу өлкесінен Қытай аспақшы болып [[Үржар]] маңайындағы [[Науалы]] қыстағында қызыл партизандармен қақтығы­сады. Отыншы Көктұма өзе­нінің бөгетіне салынған су диірменінің басына шы­ғып, көп атысады. Жау диір­менге от қояды. Отыншы сол отта ерлікпен қаза табады. Бұл оқиға 1918 жылы 21 та­мызда болған. Оны Семейге жеткіз­ген Б.Мәметов пен Ы.Жай­нақов. «Абай» жур­налы «... Алаш баласына Отын­шы­ның шығыны бата­ды. Орны ой­сырайды. ... Же­ті­судағы аға­йындарға бас­шы­сынан, кө­се­мінен айы­рыл­ғаны жан ауыртарлық іс бол­ды. Тағ­дыр­ға шара бар ма?» деп бас­қар­ма атынан азалы сөз жаза­ды.<ref> «Алаш» қозғалысы. Алматы, 2008. ISBN 9965-32-715-7</ref>
==Пайдаланған әдебиет==
 
<references/>
{{Алаш Орда}}
 
[[Санат: «Алаш» қозғалысы ]]
[[Санат: Ә ]]
[[Санат: Тұлғалар]]
[[Санат:Тұлғалар]]
[[Санат:Қазақстан тұлғалары]]
[[Санат:1873 жылы туғандар]]
[[Санат:1918 жылы қайтыс болғандар]]
{{stub:Тұлғалар}}
{{wikify}}
{{Алаш Орда}}
12 577

өңдеме