Әлеуметтік инфрақұрылым: Нұсқалар арасындағы айырмашылық

'''Әлеуметтік инфрақұрылым''' – [[материал|материалдық]] игіліктерді ұдайы [[өндіру]] (қызметтер көрсету) үдерісін және [[халық|халықтың]] қалыпты [[тұрмыс]] жағдайын қамтамасыз ететін салалар тобы. Оған [[тұрғын үй]], әлеуметтік-мәдени мақсаттағы нысандарды салу және пайдалану, бөлшек [[сауда]], қоғамдық [[тамақ|тамақтандыру]], [[денсаулық]] сақтау, [[білім]] беру, т.б. жатады. Әлеуметтік [[инфрақұрылым]] [[материал|материалдық]] игіліктерді тікелей жасамайды. Бірақ онсыз [[өндіріс|өндірістік]] үдеріс не жетілдірілмеген болады, не мүлде мүмкін емес. Әлеуметтік [[инфрақұрылым]] өзінше бір жүйелік түзілім ретінде материалдық-[[тұрмыс|тұрмыстық]], әлеуметтік-сауықтыру, рухани-[[білім]] беру, [[коммуникация|коммуникациялық]] және әлеуметтік-[[экономика|экономикалық]] жүйе [[тармақ|тармақтарынан]] құралады. [[Материал|Материалдық]]-[[тұрмыс|тұрмыстық]] тармақты жүйеге тұрғын [[үй]]-[[коммуналды шаруашылық|коммуналдық шаруашылық]], [[тұрмыс|тұрмыстық]] және [[сауда]] қызметін көрсету, қоғамдық [[тамақ|тамақтандыру]] жатады. Бұл тармақты жүйе негізінен халықтың материалдық-[[тұрмыс|тұрмыстық]] және табиғи физиологиялық қажеттерін қанағаттандырады. Әлеуметтік-сауықтыру тармақты жүйесі [[денсаулық]] сақтау мекемелерін, [[спорт]] [[ғимарат|ғимараттарын]], [[турист|туристік]] ұйымдарды қамтиды. Рухани-[[білім]] беру тармақты жүйесі [[халық|халықтың]] танымдық, рухани қажеттерін ([[білім]] алу, [[мәдениет]], [[өнер]]) қанағаттандыруға бағдарланған. [[Коммуникация|Коммуникациялық]] тармақты жүйе жолаушы көлігі және халыққа байланыс қызметін көрсету аясын қамтиды. Әлеуметтік-[[экономика|экономикалық]] тармақты жүйе халықтың түрлі қызметтер көрсету және [[қаржы]]-[[несие]] [[операция|операциялары]] бойынша қажеттерін (жинақ [[касса|кассалары]], [[банк|банкілер]], құқықтық мекемелер – заңды кеңестер беру, [[нотариалдық кеңселер]]) қамтамасыз етеді. Әлеуметтік [[инфрақұрылым|инфрақұрылымның]] даму деңгейі: оны дамытуға жұмсалған шығынның шамасымен ([[материал|материалдық]], [[қаржы]] және [[еңбек]] шығыны); [[өндіріс|өндірістік]]-[[экономика|экономикалық]] көрсеткіштермен ([[кәсіпорын|кәсіпорындар]] мен [[объек|объектілер]] торабы мен қуаты, [[инфрақұрылым]] дамуының тиімділігі); қол жеткізілген әлеуметтік нәтижелермен (халықтың Әлеуметтік [[инфрақұрылым]] игіліктерімен және қызметтер көрсетумен қамтамасыз етілуі, оның объектілері мен мекемелеріне халықтың қол жеткізе алуы) сипатталады.

<ref> Ќазаќ энциклопедиясы, 10 том </ref>

==Сілтемелер==

* [[Несие]]

{{wikify}}

[[Санат:Инфрақұрылым]]