Басқарудың сатылық жүйесі: Нұсқалар арасындағы айырмашылық

'''Басқарудың Дистанциялық Жүйесі''', Басқарудың сатылық жүйесі — [[Ресей]] өкіметі Батыс [[Қазақстан|Қазақстанда]] хандық билікті жойғаннан кейін енгізген жергілікті әкімшілік-аумақтық бөліктер құрылымы. Басқарудың Дистанциялық Жүйесі 1931 жылы енгізіліп, аға [[сұлтан|сұлтандықтар]] дистанцияларға (сатыларға), бөлінді. Дистанцияларға ауылдар қаратылды. Басқарудың Дистанциялық Жүйесі 1868 жылға дейін сақталды. 37 жыл ішінде дистанциялардың саны, көлемі, олардағы [[ру|рулар]] мен бөлімшелердің орналасуы, сондай-ақ, халқының саны өзгеріп отырды. Басқарудың Дистанциялық Жүйесі бастапқы кезде [[Ново-Александровск]] [[бекініс|бекінісі]] маңындағы [[адай]] руларының бір бөлігін ғана, кейін “[[Орынбор]] қазақтарын басқару туралы ереже” қабылданған соң, Орал мен Орынбор бекіністеріне қарасты аудандардағы барлық [[қазақ]] руларын қамтыды. 19 ғасырдың ортасында дистанциялардың саны 54-ке жетті. Дистанция басшыларын [[Орынбор]] [[генерал]]-[[губернатор|губернаторы]] тағайындады. Бұл қызметті көп жағдайда [[қазақ]] ақсүйектері атқарды. Оларға мемлекеттік жалақы белгіленді. [[Дистанция]] басшыларына қазақтар арасында “тыныштықты” қадағалау, әскери губернатор мен билеуші-[[сұлтан]] тапсырмаларын орындау, [[Салық|салықтың]] жиналуын бақылау міндеттері жүктелді. Басқарудың Дистанциялық Жүйесі арқылы [[Ресей]] өкіметі [[Батыс Қазақстан облысы|Батыс Қазақстанда]] өзінің [[Отар|отаршылдық]] саясатын жүзеге асыруға тырысты.