Сүлеймен Баязитов: Нұсқалар арасындағы айырмашылық

'''Сүлеймен Баязитов'''<ref> Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: “Аң арыс” баспасы, 2009 </ref> [[1944]] жылы 2 желтоқсанда [[Павлодар облысы]], [[Баянауыл ауданы|Баянауыл ауданының]] [[Шанин Жұмат Тұрғынбайұлы|Ж.Шанин]] ауылында туған. Павлодардағы мал дәрігерлік техникумын және Қарағанды Мемлекеттік университетінің филология факультетін тамамдаған.

[[1971]] жылы Баянауыл аудандық ''«Жеңіс» (қазіргі «Баянтау»)'' газетінде әдеби қызметкер, бөлім меңгерушісі, редактордың орынбасары, [[1997]]—[[1999]] жылдар аралығында облыстық ''«Сарыарқа самалы»'' газетінде тілші болып қызмет еткен. [[1999]] жылдан бері Красноармейка орта мектебінде қазақ тілі мен әдебиеті пәні бойынша мұғалім болып қызмет етеді.

Алғашқы әңгіме, өлеңдері [[1962]]—[[1963]] жылдары ''«Тың өлкесі»'' газетінде жарық көріп, содан бері әңгіме, аңыз, повестері аудандық, облыстық, республикалық газет-журналдарда жарияланып тұрады. [[1972]] жылы [[Павлодар|Павлодар қаласында]] өткен жас ақын-жазушылардвің республикалық, аймақтық Кеңесіне қатысқан. Ақынның'' «Бастау»'' ([[1979]]),'' «Жасыбай батыр»'' ([[2004]]), ''«Құдіреті күшті бір Алла»'' ([[2004]]), ''«Елсіздегі елес»'' ([[2004]]), ''«Хан ием»'' ([[2004]]), ''«Жаралы жердің жанары»'' ([[2006]]), ''«Көне қазақтың қыңыр қисыны»'' ([[2007]]) атты жинақтары жарық көрген.