Алатау сиыры: Нұсқалар арасындағы айырмашылық

'''Алатау сиыры''' – [[сүт|сүтті]], етті сиыр [[Тұқым қуалаушылықтың хромосомалық теориясы|тұқымы]]. Ол [[Қазақстан]] мен [[Қырғызстан|Қырғызстанның]] жергілікті сиырын швиц және кострома сиырымен будандастыру арқылы шығарылған. Жаңа тұқым ретінде 1950 ж. мойындалды. Алатау сиырының түсі негізінен қоңыр, ал дене құрылысы [[швиц сиыры|швиц сиырына]] ұқсас болады. Басы үлкен, мойны жалпақ етті, арқасы мен белі түзу, кеудесі кең, сандары білеуленген, сирақтары ұзын, түзу, тұяқтары мықты келеді. Орта есеппен: сүттілігі 2800 – 3500 кг, [[май|майлығы]] 3,8 – 4,0%. Шоқтығына дейінгі биіктігі 129 см, тұрқы 171 см, кеуде орамы 197 см, жіліншігінің орамы 20 см болады. Ұрғашысы тірідей 500 – 550 кг, [[бұқа|бұқасы]] 850 – 1040 кг тартады. Алатау сиыры [[Алматы]], [[Шығыс Қазақстан облысы|Шығыс Қазақстан облыстарының]] бірқатар аудандарында өсіріледі. <ref>Жетісу. Энциклопедия. - [[Алматы]]: «Арыс» баспасы, [[2004]]. — 712 бет. ISBN 9965-17-134-3</ref>