Балқаш ауданы: Нұсқалар арасындағы айырмашылық

'''Балқаш ауданы ''' – [[Алматы облысы|Алматы облысының]] солтүстік-батысындағы әкімшілік бөлініс. 1932 жылы құрылған. Жер аумағы 37,4 мың км².Тұрғыны 30,2 мың адам, орташа тығыздығы 1 км²-ге 0,9 адамнан келеді (2006). Аудандағы 38 елді мекен 15 ауылдық әкімшілік округ құрамына енеді. Аудан орталығы – Бақанас қаласы. Аудан жері [[Жетісу Алатауы|Жетісу (Жоңғар) Алатауының]] [[Малайсары]] жотасынан [[Іле]] бойымен [[Балқаш көлі|Балқаш көлінің]] оңтүстік жағалауына дейін созылып жатыр. Солтүстігінде [[Сарыесікатырау]] шөлін, батысы мен оңтүстігінде [[Тауқұм]] құмды алқабын қамтиды. Жер бедері негізінен жазық. Аудан жеріндегі ең ірі өзен – [[Іле өзені|Іле]]. Оның тармақтары ескі арналар мен көлшіктер құрай отырып Балқаш көліне құяды. Климаты континенттік. Қысы суық, жазы ыстық әрі қуаң. Қаңтардың орташа температурасы (–13 – 15°С), шілдеде 24°С. [[Жауын-шашын|Жауын-шашынның]] жылдық орташа мөлшері 100 – 150 мм. Шөлді қуаң белдемде орналасқан Балқаш ауданының негізгі топырақ жамылғысы – құмдақ және тақырлық [[топырақ|топырақтар]], [[өзен]] арналары мен жайылымдарында шалғынды-сазды топырақ қалыптасқан. Құмды өңірде [[сексеуіл]], [[тобылғы]], [[жиде]], [[жусан]], [[ши]], [[сораң]], т.б. шөптесін өсімдіктер өседі. [[Жануарлар|Жануарлардан]] [[қасқыр]], [[түлкі]], [[борсық]], [[қоян]], [[ақ бөкен]], [[елік]], [[қабан]], [[ондатр]] тіршілік етеді. Өзен аңғарлары мен жайылымдарда [[қырғауыл]], [[құр]], [[тырна]], [[қоқиқаз]], [[бірқазан]], т.б. құстар мекендейді. Өзендерде [[сазан]], [[алабұға]], [[мөңке]], [[шармай]] бар. Іле өзенінің Балқаш көліне құяр сағасында [[көмір]], [[марганец]], [[уран]] кендері барланған. [[Жалпақтас кен орны|Жалпақтас кен орнынан]] [[мәрмәр]], [[гранит]] өндіріледі. Аудан экономикасының негізгі саласы – ауыл шаруашылығы. Өсімдік шаруашылығында тәлімі және суғармалы егін шаруашылығы қалыптасқан. Аудандағы [[Ауыл шаруашылығы|ауыл шаруашылығына]] пайдаланылатын жердің аумағы 1,8 млн. га. Жыртылған жердің (25 мың га) 17 мың га жері игерілген. Оған [[бидай]] (7,8 мың га), [[күріш]] (8,1 мың га), [[көкөніс]] (335 га) және [[картоп]] (411 га) егіледі.

<ref name="source1">"Қазақ Энциклопедиясы"</ref>

 

<references/>

{{stub}}

{{wikify}}