Еділ: Нұсқалар арасындағы айырмашылық

| watershed =

}}

Еділ, Волга (ежелгі атауы Ра, орта ғасырларда Итил) – [[Еуропа|Еуропадағы]] ең үлкен [[өзен]]. Ұзындығы 3530 км, су жиналатын алабы 1360 мың км2. Бастауын [[Валдай]] қыратынан (абсолюттік биіктігі 343 м) алып, [[Каспий теңізін|Каспий теңізіне]] құяды. Сағасы теңіз деңгейінен 28 м төмен жатыр. Еділге екі жүзден астам салалар құяды. Орта ағысында Ока, Кама, Сура, Ветлуга және Свияга салалары құйғаннан кейін, Еділ суы мол ірі өзенге айналады. [[Өзен]] қар суымен (60%-ы), [[жер асты суы]]мен (30%) және [[жаңбыр]] суымен толығады. Көктемде (сәуір – маусым) тасиды, жазда және қыста суы кемиді. Күзде [[жаңбыр]] суымен қайта молаяды.

Еділде балықтың жетпіс түрі кездеседі, оның қырықтан астамының кәсіптік маңызы бар. Аса маңыздылары: [[торта]], [[майшабақ]], [[табан]], [[көксерке]], [[сазан]], [[жайын]], [[шортан]], [[бекіре]], [[шоқыр]]. Өзенді электр энергиясын өндіруге, көлік қатынасына, жер суаруға және суландыруға пайдаланады. Өзен суы Еділ-Жайық аралығындағы бір миллион [[гектар]] жерді суғаруға және тоғыз миллион гектар жерді суландыруға мүмкіндік береді. Өзенде кеме қатынайды. Волга-Балтық су жолы арқылы [[Балтық теңізі]]мен, Волга-Дон каналы арқылы [[Азов теңізі|Азов]] (Азау) және Қара теңіздермен байланысады. Аса маңызды өзен порттары: [[Тверь]], [[Рыбинск]], [[Ярославль]], Кинешма, [[Нижний Новгород]], Чебоксар, [[Қазан]], [[Ульяновск]], [[Тольятти]], [[Самара]], [[Саратов]], [[Волгоград]], [[Астрахан]].<ref>Батыс Қазақстан облысы. Энциклопедия. — Алматы: «Арыс» баспасы, 2002

[[Санат:Ресей өзендері]]

 

[[Санат: Абай энциклопедиясы]]

[[Санат: Е]]