'''Нұрмағамбетов Тынымбай''' (10.6.1945 жылы туған, [[Қызылорда облысы]] [[Жаңақорған ауданы]] [[Қосүйеңкі ауылы]]) – жазушы. Қызылорда пед. институтын (1968), [[Мәскеу|Мәскеудегі]] М.Горький атындағы жоғары әдебиет курсын бітірген (1981). Қызылорда облысы [[радио]] к-тінде, [[Жазушы Баспасы|“Жазушы” баспасыбаспасында]]нда [[редактор]], “[[Қазақфильм]]” [[Киностудия|киностудиясының]] сценарийлік коллегиясында түрлі қызметтер атқарған. 1996 жылдан '''''“Қазақ елі”''''' [[Газет|газеті]] редакторының орынбасары. Алғашқы әңгімелер жинағы 1971 жылы '''''“Қауын иісі”''''' деген атпен жарық көрген (орыс тіліндегі нұсқасы үшін М.Горький атындағы Бүкілодақтық жастар сыйлығын алды, 1979). Жазушы прозасында ауыл адамдарының мінез-құлқы, олардың жан дүниесінің қыр-сыры, ұлттық сана психологиясындағы замана тудырған өзгерістер терең суреттеледі. Нұрмағамбетов жеңіл юмордың шебері, бірнеше комедиялық туындылары бар. Ол '''''“[[Жоғалған көл]]”''''', '''''“[[Кемпірлер үкімі]]”''''' пьесаларын, '''''“[[Тырналар ұшып барады]]”''''' телефильмі сценарийін жазды.<ref>Қазақ әдебиеті. Энциклопедиялық анықтамалық. - Алматы: «Аруна Ltd.» ЖШС, 2010.ISBN 9965-26-096-6 </ref>