Борис Гиршевич Ерзакович: Нұсқалар арасындағы айырмашылық

Алматы консерваториясын бітірген (1949). Еңбек жолын 1931 ж. Қазақ радиосының музыка редакторы қызметінен бастаған Ерзакович [[қазақ]] халық музыкасын жинап, зерттеумен айналысты. 1938 — 43 ж. Қазақстан Халық комиссарлары кеңесі жанындағы өнер істері басқармасында [[музыка]] бөлімін басқарды. 1945 — 58 ж. Қазақстан Ұлттық Академиясы өнертану секторының меңгерушісі, 1961 — 68 ж. Әдебиет және өнер институтында бөлім меңгерушісі, 1968 — 86 ж. осы институтта музыка бөлімінің меңгерушісі болды. Ерзакович — қазақ музыка өнерінің тарихы туралы іргелі еңбектердің авторы. Ғалымның зерттеуінде [[қазақ]] музыка мәдениетінің барлық түрі мен бағыты ([[фольклор|фольклоры]], халық композиторларының шығармалары, [[Қазақстан|Қазақстанның]] кәсіби музыкасы, қазақ музыкасының басқа ұлт өнерімен байланысы, т.б.) қамтылған. Ол 20-дан астам [[монография|монографиялар]] мен кітапшалар, 200-дей мақалалар мен [[очерк|очерктер]], [[Абай|Абайдың]] және халықтық кәсіби әнші-композиторлар, [[Біржан сал]], [[Ақан сері]], [[Үкілі Ыбырай]], [[Балуан Шолақ]] және басқалардың шығармаларын қамтитын 12 музыкалық-этнографиялық жинақтар жазды. Ерзакович ғылыми-зерттеу жұмыстарын композиторлық-шығармалық және ұстаздық-педагогтік қызметтерімен ұштастырды. Кәсіби музыка жанрларын дамытуға үлес қосып, вариациялар, фортепианолық [[пьеса|пьесалар]], симфониялық [[поэма|поэмалар]] мен [[увертюра|увертюралар]], [[соната|сонаталар]], [[ән]], [[романс|романстар]] мен [[хор|хорлар]] жазды. 200-ге жуық халық әндерін түрлі [[оркестр]], [[ансамбль|ансамбльдер]] мен жеке дауысқа лайықтап нотаға түсірді. “Амангелді”, “Мылтықты адам”, “Абай”, “Алма бағында”, “Шоқан Уәлиханов” сияқты спектакльдерге музыка жазды. [[Еңбек Қызыл Ту]], “[[Құрмет]] белгісі” ордендерімен, медальдермен марапатталған. <ref name=source1>Қазақ мәдениеті. ҚазақЭнциклопедиялық Энциклопедиясыанықтамалық. </ref>Алматы: “Аруна Ltd.”