'''ТЕРІСТеріс''' – өзен, [[Аса]] өзенінің алабында, [[Жуалы ауданы|Жуалы ауданының]] жерімен ағады. Ұзындығы 51 км, су жиналатын алабы 485 км2. Бастауын [[Қаратау]] жотасының оңтүстік-шығыс баурайынан алып оңтүстікке, оңтүстік-шығысқа қарай бұрала ағып, [[ТЕРІСАЩЫБҰЛАҚ БӨГЕНІ|Терісащыбұлақ бөгеніне]] құяды. Бөгеннен төмендегі өзен Аса деп аталады. Өзеннің 20 км-ден астам екі саласы және оншақты ұсақ салалары бар. Қар, жауын-шашын, жер асты суымен толығады. Аңғары жоғары ағысында 60 – 110 м, жазықта 300 – 450 м. Өзен ауданның егістігін суаруға пайдаланылады. Жағалауы шабындық.