Шығыс Сазтөбе газ-мұнай кен орны

Шыгыс Сазтебе - Каспий маңы ойысының ернеуі маңының оңтүстік-шығыс өнірінің (Оңтүстік Ембі белесінің) Тұран тақтасының Үстірт-Бозащы ойысымымен ұштасар жеріндегі газ-мунай кенорны. Маңғыстау облысының Бейнеу ауданында. 1988 жылы ашылган. Тұзасты шөгінділерінде шағын кетерілім түріндегі кенорынды сыйыстырушы құрылым -4000 м-лік изогипсамен жиектелетін, ендікке жуық бағытта созылған антиклин. Өлшемдері 15x3,5 км, амплитудасы 200 м-ден астам. Төменгі пермнің сакмар жікқабатының шөгінділері мұнайлы. Жатын 3754,5 м тереңдікте. Карбонатты жинауышы кеуекті, ашық кеуектілігі 8-9%, етімділігі 0,013 мкм². Қалыңдығы 15 м немесе одан да астам саз қабатшасы жапқыш рөлін атқарады. Жатынның мұнайлы бөлігінің биіктігі 59,8 м, тиімді мұнайға қаныққан қалыңдығы 35,3 м, мұнайга қанығу коэффициент 66%. Жатын қойнауқаттық дөңестік. Су-мұнай жапсары -383,35 м белгіден өтеді. Бастапқы қойнауқаттық қысым 41,1 Мпа, температура 109°С. 6 мм-лік штуцердегі мунай шығымы 24 м³/тәу. Мұнайы жеңіл, тығыздығы 828 кг/ м³, газға қанығу дәрежесі 280 м³/т. Мұнайда еріген газ құрамы жағынан метанды-этанды, 63% метан, 4,7% этан және 9,2%-дан астам жоғарғы гомологтар, 2,25% азот жэне аз мелшерде көмір қышқылы бар. Мұнайы мен қойнауқаттық сулары аз зерттелген. Кенорынды барлау аяқталмаган.