'''Молда''', молла ({{lang-ar|المُلَّا}} /әл-мулла/ – мырза, әмірші, парс. мелла, молдо – ұстаз, діни ғұлама) – [[шариғат]] білгірі, [[дінИслам Діні|діни]] рәсімдерді атқарушы, ұстаз. Қазақ жерінде патшалық Ресей билігі тұсында молда қызметін атқарған діни қызметкерлердің міндеттері мемлекеттік қаулылармен белгіленіп, шенеуніктердің бақылауында болды. Молда арнайы тағайындалып, жергілікті [[мешіт|мешіттердің]] қарамағына жіберілді. [[КСРО|Кеңестік дәуірде]] діннің өмір сүру формасы діни рәсімдердің аясында қалғаны себепті молдалар қызметі [[ислам]] дінінің жөн-жоралғыларын атқарушы ретінде ғана көрінді. Молда қызметіне [[Орта Азия]] мен [[Қазақстан Мұсылмандары Діни Басқармасы]] басшылық жасады. Қазіргі уақытта бұл қызметті Қазақстан мұсылмандарының діни басқармасына бағынатын жергілікті [[имам|имамдар]] атқарады.
