Хлор қышқылдары: Нұсқалар арасындағы айырмашылық

'''Хлор қышқылдары''' — құрамында [[хлор]] бар оттекті қышқылдар. Оларға: [[хлорлылау]], [[хлорлы]], [[хлорлау]] және хлор қышқылдары жатады. Хлорлылау қышқылы, НСlО — бір негізді әлсіз [[қышқыл]], тұрақсыз, өте күшті тотықтырғыш, тұздары [[гипохлорит|гипохлориттер]] деп аталады. Тек ерітінді түрінде кездесіп, температура төмендегенде [[кристалгидрат|кристалгидратқа]] (НСlО+Н2О) айналады. Хлорлы қышқыл, НСlО2 — суда сұйық ерітінді түрінде болатын бір негізді көп қолданылмайтын қышқыл. Тұздары хлориттер — суда жақсы ериді, қышқыл ортада күшті [[тотықтырғыш]], қопарылғыш заттар. Хлорлау қышқыл, НСlО3 — суда ерітінді күйінде болатын бір негізді күшті қышқыл. Тұздары хлораттар — түссіз, қыздырғанда оттек бөлінетін қопарылғыш, улы заттар. Ең маңыздысы — [[калий хлораты]] (КСlО3) сіріңке, қопарғыш заттар жасауда қолданылады. Хлор қышқылы, НСlО4 — түссіз, ауада түтінденетін сұйықтық. Таза күйінде тұрақсыз, қопарылғыш болғандықтан суда еріген түрінде пайдаланылады. Басқа хлор қышқылдарына қарағанда нашар тотықтырғыш, күшті қышқыл. Тұздары [[перхлорат|перхлораттар]] — кристалды түссіз заттар. Олар қопарылғыш зат жасау мен пиротехникада қолданылады. Хлор қышқылдары тізбегінде (НСlО–НСlО2–НСlО3–НСlО4) хлордың тотығу дәрежесі өскен сайын қышқылдың күші артады. <ref>[[Қазақ Энциклопедиясы|"Қазақ Энциклопедиясы"]], 9 том</ref>

==Сілтемелер==

{{stub}}

{{wikify}}