Метаком

Метаком (Metacom; Metacomet; King Philip) (Метакомет; Филипп королі) (1638 жыл, Массауусетс - 12 тамыз 1676 жыл, Род-Айленд), вампаноаг үндістерінің көсемі, алгонкин тайпалары конфедерациясының жетекшісі. Оның әкесі Массасоит 1621 жылы колонистермен бітім жасасады. Бірақ ақ нәсілділердің үндістерге көрсеткен қорлығы Метакомның ызасына тиеді. 1675 жылдың маусым айында ол вампаноаг, наррагансет, абенактар, нипмук пен могауктар конфедерацияларымен бірге соғысқа шығады. Бұл қақтығыс Филипп королінің соғысы ретінде әйгілі болып, Жаңа Англия тарихында қанды шайқас болып саналады. Екі жаққа да айтарлықтай зиян келгеннен кейін конфедерация ыдырап, аштық басталады. Метаком өзінің ата-бабаларының жеріне келгеннен кейін оған опасыздық жасайды. Ол 1676 жылы отаршылдардың жіберген тыңшы үндіс агенттің қолынан қаза табады. Оның басын шауып, денесін төртке бөліп тастайды. Оның басы Плимутта 25 жыл бойы қазықта ілініп тұрған.

Филипп королі

Сілтемелер

1. Қазақ энциклопедиясы