Ұяң жүнді қой

Ұяң жүнді қой - түбіт, аралық қылшығы басым, қылшығы жіңішке, майда жүнді қой. Ұяң жүнді қой тұқымдарының көпшілігі шағындау болса да тегене құйрықты келеді. Ет, құйрық майы мен сапалы кілем тоқуға аса қажетті ақшыл ұяң жүн өндіру үшін өсіріледі. Ұяң жүнді қой өсіру Кавказ бен Орталық Азия елдеріңде, оның ішіңде Казақстанда кең тараған. Осыған орай жергілікті жер жағдайы мен ауа райына жақсы бейімделген,қысы-жазы жайылымда бағылатын қой тұқымдары шығарылған (қ. Алай қойы, Дегерес қойы, Тәжік қойы, Сараджа қойы, Қазақтың құйрықты ұяң жүнді қойы).