Барракуда

Барракуда (лат. Sphyraena) — теңіз шортаны. Оның 25-ке жуық түрі бар.

Барракуда

Бұл балықтардың денесі ұзынша, жебе тәрізді, ұсақ қабыршақ жапқан. Үлкен барракуданың ұзындығы шамамен 2 м-ге, салмағы 50 келіге дейін жетеді. арқасы қоңыр түсті, бауыры солғын түсті болып келеді. Аузы үлкен, тістері мықты. Алдыңғы тістері азу тіске ұқсас. Төменгі жақ сүйегінде огрналасқан тістері қанжар тәрізді. Тропиакалық және субтропикалық аймқтардағы мұхиттарда мекендейді. Сәуір айында көбею үшін жылы суларға қоныс аударады.

Қоректенуі

Барракудалар жемтігін торуылдап жүріп, тосыннан шабуыл жасайды. Жас барракудалар планктондармен қоректенеді. Негізгі қорегі - кальмарлар, ас шаяны, ұсақ балықтар болғанымен, басқа үлкен балықтардан қалған жемтіктермен де қоректенеді. Кейде өзінен ірі балықтарға шабуыл жасап, оларды бөлшектеп тастайды. Аузында тістері көп болғандықтан, аузына түскен жемтігі қайтып шыға алмайды.

Қаупі

Адамға қауіп төндіре қоймайды, тек тұнық емес суларда адамдардың қозғалыстағы аяқтары мен қолдарын жүзіп жүрген балықтарға ұқсатқан жағдайлар тіркелген. Және барракуданы ас мәзіріне қолданғанда, адамдар уланып жатады. Өйткені барракудалар денесінде сигуатоксин болатын балықтармен қоректенеді.