Кинотелевизия техникасы

Кинотелевизия техникасы - кескінді (көріністі) жазып алу әрі оны тарату тәсілдерінің және осыларды іске асыратын кино мен телевизияның өзара үйлескен техника құралдарының жиынтығы.

Кинотелевизия техникасы кино техника мен телевизияны, кескін жазуды өзара байланыстырады. Ол тек телевизиялық кинофильмнің базасы ғана емес, кинематографияның бірқатар технологиялық процестеріне де негіз болған. Кинотелевизия техникасы телевизиялық фильмдерді киноға тікелей түсіру, телевизиялық кескінді және оның жазылу сапасын бақылап отырып киноға түсіру, телевизиялық кескінді кинескоп экранынан немесе оны электрондық сәуле арқылы тікелей киноға түсіру, кинофильмдерді құрастыру және көбейту кезінде кескін сапасын телевизия арқылы бақылау, кинопленкаға түсіріліп алынған фильмдерді телевизиялық тракт арқылы беру, фильмдер көшірмесін телекино ойнатқыш аппарат арқылы тікелей теледидардан көрсету мәселелерін іске асырады.