Арнольд раффлезиясы

Арнольда раффлезиясы (лат. Rafflésia arnóldii) — Раффлезия тұқымдасының (лат. Rafflesiaceae) Раффлезия тегінің (лат. Rafflesia) биологиялық түрі. Дүние жүзіндегі ең алып гүл болып саналады.

Арнольд раффлезиясы
Rafflesia arnoldii
Ғылыми топтастыруы
Дүниесі: Өсімдіктер (unranked) Қос жарнақтылар (unranked) Rosids Сабы: Malpighiales Тұқымдасы: Раффлезия тұқымдасы Тегі: Раффлезия Түрі: R. arnoldii
Екі-есімді атауы
Rafflesia arnoldii R.Br.
Синонимдері
Rafflesia titan Jack

Таралуы

Ол Индонезияның Суматра және Калимантан аралдарында өседі. Оны алғаш зерттеп тапқан Еуропа натуралисті Джозеф Арнольдтың (ағылш. Joseph Arnold) есімімен аталған.

Ботаникалық сипаттамасы

Бұл паразитті тіршілік ететін өсімдік. Тропиктік қалың орманда басқа ағаштың тамыры мен сабағына жабысып өседі. Паразитті тіршілік ететіндіктен сабағы мен жапырағы болмайды, тек тамыры мен үлкен гүлі ғана болады. Гүлінде күлте тәрізді өте шырынды 5 тостағаншасы бар. Аталығы көп, аналығының мойны болмайды. Алып дейтін себебі гүлдің диаметрі 45 см-ден 1 м-ге дейін жетеді. Арнольда гүлінің салмағы 10 кг-ға жетеді. Тозаңдануы айқас, жәндіктер арқылы жүзеге асады. Етті гүлсерігі қызғылт - қоңыр, әр жерінде ретсіз орналасқан ақшыл дақтары болады. Нашар иіс сол дақтардан таралады.