Артиллериядан атуды түзету
Артиллериядан атуды түзету — артиллериялық снарядтар (миналар) жарылыстарының нысанадан ауытқуын анықтау және көздеу құралдарының қондырғыларына кашықтықтан басқарылатын жарғыштарға (түтіктер) немесе атысты басқару аспаптарына бағыт, қашықтық және биіктік бойынша түзету енгізу.
Артиллериядан атуды түзету жер үстіндегі бақылау пункттерінен, тікұшақтардан, ұшақтардан қойылған міндетті орындауға дейінгі атыс процесінде жүргізіледі.
Нысаналардан жарылыстардың ауытқуы оптикалық, электронды- оптикалық және басқа аспаптардың, радиолокациялық станциялардың, дыбыспен барлау құралдарының кәмегімен анықталады. Жарылыстарды бір пункттен белгілеуде қашықтық бойынша ауытқуды — метрмен, бағыты мен қашыктығы бойынша - бұрыш өлшегіш бөліктерімен өлшейді.
Жарылыстарды екі немесе одан да көп пункттен бірлесіп бақылау немесе дыбыспен барлау көмегімен белгілеуде жарылыстардың нысанадан ауытқуын әрбір пункт үшін бағыт бойынша өлшейді. Түзетулерді анықтау үшін өлшенген жарылыс ауытқуларын атыс позицияларына арнап, графикалық және түзетулерді есептеу аспаптарының кемегімен есептеу арқылы өзгертеді.
Артиллериядан атуды түзету дәлдігі жарылыстарды белгілеуге арналған аспаптардың сипатына, жарылыс санына, байқау қашықтығына, белгілеу бұрышының мөлшеріне және т.б. байланысты. Түзетулердің дәлдігін сипаттайтын ортаңғы қателіктер, әдетте, снарядтардың шашырауының қашықтық бойынша, бұйір жақ бағыттағы және биіктіктегі ортаңғы ауытқуының мөлшерінде көрінеді. [1]
Тағы қараңыз
өңдеуДереккөздер
өңдеу- ↑ Қазақ тілі терминдерінің салалық ғылыми түсіндірме сөздігі: Әскери іс. Алматы:"Мектеп" ААҚ , 2001
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|