Аршалы (өзен, Ақмола облысы)

Аршалы өзені
Сипаттамасы
Ұзындығы	174 км
Су алабының ауданы	4160 км²
Су алабы	Есіл алабы
Су ағысы
Бастауы	Айдабол көлі
Сағасы	Қалқұтан өзені
Орналасуы
Ел	Қазақстан
Аймақ	Ақмола облысы Зеренді ауданы

Географиялық орны

Аршалы – Есіл алабындағы өзен. Ұзындығы 174 км, су жиналатын алабы 4160 км².

Бастауы

Ақмола облысы Зеренді ауданы жеріндегі Айдабол көлі маңынан бастау алып, Қалқұтан өзеніне құяды.

Гидрологиясы

Басты салалары – Түкті, Кеңащы және Қоңыр. Жоғарғы ағысы Көкшетау қыратымен өтіп, төменгі ағысы төбелі жазықпен ағады. Салаларының жалпы ұзындығы 514 км. Орта ағысында аңғарының ені 1 – 2 км-ге жетеді. Еріген қар және жер асты суларымен толығады. Сағасындағы жылдық орташа су ағымы 2,44 м³/с. Суы көктемгі тасқын кезінде тұщы (200 – 300 мг/л), жазда тартылғанда ащы (450 – 500 мг/л) болады. Алабы толық игерілген, көпшілік бөлігі жыртылған. Шабындыққа, мал жайылымына пайдаланылады. Жаңа Қалқұтан ауылы тұсында өзен арнасы бөгелген. Бөгеннің көлемі 650 мың м².