Аркен Кеңесбекұлы Арыстанов

(Арыстанов Аркен Кеңесбекұлы бетінен бағытталды)

Арыстанов Аркен Кеңесбекұлы (7.03.1966, Алматы) - Мемлекеттік қайраткері, "KazAID" Қазақстандық халықаралық даму агенттігінің Басқарма Төрағасы.

Арыстанов Аркен Кеңесбекұлы
Аркен Кеңесбекұлы Арыстанов

Қысқыша өмірбаяны өңдеу

2023ж 09 наурызынан бастап "KazAID" Қазақстандық халықаралық даму агенттігінің Басқарма Төрағасы. 2019-2022ж.ж. Қазақстан Республикасының Сингапур Республикасындағы Төтенше және Өкілетті Елшісі, Қазақстан Республикасының Жаңа Зеландиядағы Төтенше және Өкілетті Елшісі, Қазақстан Республикасының Аустралия Одағындағы Төтенше және Өкілетті Елшісі қызметтерін қоса атқарушы.

М.В. Ломоносов атындағы ММУ-ді бітірген, 1991 ж. ММУ аспирантурасын бітірген, экономист. Экономика ғылымдарының докторы (2004).

1992-93 жж. - «Қазақстан-Коммерция» бас маманы, «Казхлебопродукт» мемлекеттік концернінің СЭБ бөлімінің бастығы.

1993-94 жж. - ҚР Экономика министрлігі жанындағы Шетелдік инвестициялар жөніндегі Ұлттық агенттігінің басқарма бастығы. 1994-96 жж. - ҚР Ұлттық банкінің валюталық реттеу және халықаралық қаржы ұйымдары департаменті директорының орынбасары, халықаралық қатынастар департаментінің директоры. 1998-2000 жылдары - «Қазақстан халықтық жинақ банкі» ААҚ Алматы облысы филиалы директорының 1-ші орынбасары, несие тәуекелдері департаментінің директоры, басқарушы директоры, Басқарма төрағасының кеңесшісі. 2000 ж. - «Қазпочта» ААҚ Басқарма төрағасының орынбасары, төрағасы. 2000-06 жж. - «Қазпочта» АҚ Басқарма төрағасы.

2006-2011 жж. - Қазақстан Республикасының Алматы қаласы аймақтық қаржы орталығының қызметін реттеу жөніндегі агенттігінің төрағасы. «Құрмет» орденімен марапатталған (2005).[1]

2008-2011 жж. - Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқарма мүшесі.

2011-2013 жж. - Қазпочта АҚ Басқарма Төрағасы.

2013-2019 жж. - Қазақстан Республикасының Франциядағы елшілігінің Инвестициялар жөніндегі кеңесшісі.

2019ж. 6 маусымынан Қазақстан Республикасының Сингапур Республикасындағы Төтенше және Өкілетті Елшісі.

Қазақстан Республикасы Президентінің 2019 жылғы 2 қыркүйектегі № 144 Жарлығымен А. Арыстановқа II сы­ныпты Төтенше және Өкілетті Уә­кіл дипломатиялық дәрежесі бе­рі­лді.

«Қазақстан Республикасының темір жолына 100 жыл» (2004), Құрмет Ордені (2005), «Қазақстан Конституциясына 10 жыл» (2005) медальдарымен; ҚР Кәсіподақтар федерациясының (2002) Байланыс саласындағы аймақтық достастықтың (2004) құрмет грамоталарымен марапатталған. ҚР Көлік және коммуникациялар министрлігінің алғысымен ескерілген (2002)

Басылымдар өңдеу

• Қаржы-банк қызметтері нарығындағы Қазақстанның пошта жинақтау жүйесі: Монография. - Алматы, 2003 ISBN 9965-665-11-7 • Алматы өңірлік қаржы орталығы: Монография. — Алматы, 2010 ж ISBN 978-601-278-289-9 • Құңды қағаздар нарығы. Оқу құралы. - Алматы, 2010 ISBN 978-601-280-118-7 • Сингапурдың жетістік құпиялары. [1] - Сингапур, 2021ж

Әскери атағы өңдеу

Әскери атағы - лейтенант.

Үй жағдайы өңдеу

Үйленген. Жұбайы - Бабаева Индира Сәбитқызы, экономика ғылымдарының кандидаты. Қыздары - Арыстанова Азиза Аркенқызы (1993 жылы туған), Арыстанова Женева Аркенқызы (1998 жылы туған).[2]

Дереккөздер өңдеу

  1. Қазақстан бизнес - кітабы. Қаржы. – Алматы, ЖШС “Алматы баспа үйі,” 2006 ISBN 9965-9865-5-X
  2. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2