Арқалық ескерткіштер кешені

Арқалық ескерткіштер кешені - қазіргі Қостанай облысының Арқалық қаласындағы архитектуралық-мүсіндік ескерткіштер тобы. 1973 жылы қаладағы тарихи-өлкетану мұражайы маңындағы алаңда бой көтерді. Авторлары: сәулетші Т.Жұмағалиев, мүсінші Б.Беликов, И.Катафатич. Ескерткіштер тобы құрамына тарихи тұлғалар құлпытастары (А.Иманов, Ә.Жангелдин) және экскаватор ожауы мен боксит кентасы кіреді. Құлпытастар аум. 2,2x0,4 м, биіктігі 5,25 м екі тас тақтадан тұрады, барельефтері қоладан құйылған. Темірден жасалған экскаватор ожауы және боксит кентасы Торғай өлкесінің табиғат байлығын бейнелейді.