Аса таяқ

Ұзын таяқ; аса. «Оның қолынан аса таяғы түспейді». Е. Жанпейісов Мұхтар Омарханұлы Әуезовтің «Абай жолы» эпопеясының тілі атты кітабында «аса, келтек» сөздеріне талдау жасай отырып, «Аса — ұзын да, келтек — қысқа келеді» дейді. Бірақ «аса» сөзінің төркіні туралы әңгіме болмаған. Біздің жорамалымызша, «аса таяқ» екі сөз. Араб тілінде: ғәса — таяқ, жіңішке таяқ. Иран тілінде де осы тұлғада «таяқ» мағынасында қолданылады. Сөйтіп «аса таяқ» тіркесіндегі «аса» жүйесі басқа (араб, иран) тілдерден ауысып, өз тіліміздегі «таяқ» сөзімен қосарланып, «таяқ таяқ» дегенді ұғындырады.