Ассоцианизм

Ассоцианизм - психикалық үрдістердің динамикасын ассоциация принципімен түсіндіретін әлемдік психологиялық бағыттарының негізгі түрлерінің бірі.Сырттай көрінбейтін себептердің негізінде пайда болатын кейіптер(бейнелер) ассоциацияның жемісі деп алғаш рет Аристотель ассоцианизм постулатын ұсынған.Субъекттің санасындағы феномендер байланысын ассоциация принциптерімен қарастырғандар Дж.Беркли және Д.Юм, ал материалистік ассоциация жүйесін жасаған Д.Гартли.Нейрофизиология мен биологияның жетістіктерін А. түсіндіруде пайдаланғандар Г.Гельмоц, эмоцияны түсіндіруде - Ч.Дарвин, бас миының рефлексінің оқытуда - И.М.Сеченов.XVIII-XIX ғасырларда психикалық құбылыстарды түсіндіруде жетекші орында болды.XIX ғасырда ассоциацияның маңыздылығын және қалыптастыру жағдайларын зерттеген Г.Эббингауз, Г.Мюллер т.б.Қазіргі заман психологиясында әртүрлі психикалық үрдістердің ерекшеліктерін көрсету мақсатымен ассоциацияларды зерттейді(әсіресе мағыналық ассоциацияның оқытудағы рөлі)

Дереккөздер

Психология: Энциклопедиялық сөздік.Қ.Б.Жарықбаев, О.С.Саңғылбаев