Ас-садақа

Ас-садақа (Достық) - Иорданияның (Иордан Хашимит корольдығы) астанасы Аманда 1974 жылдан шығатын қоғамдық мәдени журнал.

Журналдың 1983 жылғы № 28 санында жазушы, доктор һишам Рафғат һашимнің "Қазақстан" деген мақаласы жарияланған. Онда қазақ халқының араб елдерінен тарихи - мәдени байланыстарына, қазақтардың көне заманнан бергі тарихына шолу жасап, қазақ ғылымы мен мәдениетінің аса көрнекті өкілдері Ш.Уәлиханов, Ы.Алтынсарин, А. Құнанбаевтың қызметіне баға берді. Автор Абайдың көне шығыс мәдениетін жақсы білгенін, шығыс жұлдыздарын пір тұтып, араб, парсы, орыс әдебиеттерін түпнұсқадан оқып, шығыс тақырыбына өлең поэмалар жазып, А.С.Пушкин, М.Ю.Лермонтов, И.А.Крылов шығармаларын аударғанына тоқталады. Абайды дүние жүзіне танытқан жазушы М.Әуезов, Астанадағы Абай ескерткіші, ақын атындағы мәдени орындары туралы пікір білдіреді. Журналдың осы санында Гили ас - Саид Абд ар - Рахманның тәржімалауымен Абайдың "Масғұт" поэмасы, ақынның көзі тірісінде түскен суреті жарияланған.