Атлантроп

Атлантроп (Африкадағы Атлас тауының бірінші буыны және грек anthropos — адам) — Солтүстік Африка жерінде табылған адам сүйегі. 1954 ж. Алжирде қазба жұмыстары кезінде француз ғалымдары ертедегі адамның төменгі жақсүйектері мен бастың самай сүйектерін тапқан. Сонымен бірге шель-ашель дәуірлерінде қолдан жасалған шақпатас құралдар, ірі піл, гиппопотам қалдықтары шықты. Құрылымы жағынан А. архантропқа жақын болғандықтан оны петикантроп сатысындағы адам тектестер қатарына жатқызады. А. шамамен 350 мың жыл бұрын өмір сүрген.