Атомарлық факт

АТОМАРЛЫҚ ФАКТ - логикалық атомизмнің негізгі ұғымдарының бірі, ол құрамдас фактілерге бөлінбейтін, заттар мен ақылойдың қосылуынан тұратын фактіні көрсетеді. Атомарлық факт дегеніміз бір-біріне тәуелсіздік, демек бір Атомарлық фактінің өмір сүруінен (өмір сүрмеуінен екінші Атомарлық фактінің өмір сүруі, өмір сүрмеуі) туралы қорытынды жасауға болмайды. Сөйтіп, дүниенің өзара байланысы, бірлігі теріске шығарылады, ал таным процесі іс жүзінде Атомарлық фактіні сипаттаумен шектеледі. Бұл метафиз. ұғым сыртқы әлем құбылыстарына математикалық логикадағы маңызды роль атқаратын "атомарлық" (элементарлық) сөйлемдердің қасиеттерін көшіру нәтижесінде пайда болған. "Атомарлық факт" ұғымының мәні Махтың "дүние элементтерімен" төркіндес.