Атыс үшін бастапқы деректерді дайындау

Атыс үшін бастапқы деректерді дайындау (Подготовка исходных данных для стрельбы) — снарядты, зарядты, жарғышты, траектория түрін нысананың сипатына сәйкес таңдау, қарулардың көздегіш құралдарының қондырғысын өзгертулер жиынтығы ескере отырып (баллистикалық, топографиялық, метеорологиялық, ж.б.) айқындау. Атыс үшін бастапқы деректерді дайындау артиллерияда кіріс мәліметтері, яғни нысана мен зеңбіректің (минаатардың) орны мен қозғалысын сипаттайтын, сондай-ақ атыс шарттары жөніндегі мәліметтер негізінде іске асырылады. Жағдайға және есеп жүргізу ретіне қарай атыс үшін бастапқы деректерді дайындау толық, қысқа және көзбен есептеу арқылы болуы мүмкін. 1975 жылдан бастап жер үсті артиллериясында "бастапқы деректер" деген термин өз мәнін жоғалтты.