Аумақтық полициялық жүйе

Аумақтық полициялық жүйе (Территориально-полицейская система) — қарулы күштердің бөлімдері мен құрамаларында бейбіт уақытта аз ғана әскери қызметші кадрлары болатын құрылым жүйесімен жасақталуы. Жұмылдыру кезінде жергілікті жерде есепте тұрған әскери қызметшілердің үйретілген тобын шақыру арқылы соғыс жағдайындағы штатқа дейін толықтырылады. Бұл топтар мерзімді әскери қызметті жыл сайын қысқа мерзімді жаттығу жиындарында өткереді. Аумақтық полициялық жүйе қазірде бірқатар мемлекеттерде бар. Кеңес Армиясында ол кадрлық жүйемен қатар 1923 ж. енгізілді, ал 1934-1939 ж. аралығында КСРО-на соғыс қаупі төнуіне байланысты армия түгелдей кадрлық жүйеге көшірілді.