Аутлет

Аутлет (ағылш. Outlet Center) киім брендтерін айтарлықтай жеңілдікпен сатуға кәсіптенген сауда орталықтарының бір форматы. Кейінгі кезде онлайн бөлшектеп сату дүкендері аутлеттік саудамен айналысуда.

Небраскадағы аутлет сауда орталығы

Аутлет орталықтары екі түрге бөлінеді:

• Фабрикалық аутлет (factory outlet) —өндірушілердің зауыт-фабрикаларында жатып қалған тауар өнімдерін жаппай сату;
• Аутлет кешені (outlet mall) —бутик пен брендтік дүкендердің сөрелерінде жатып қалған тауар өнімдерін арнайы аутлет сауда орталықтарында сату.

Жатып қалған, яки өтіп кеткен "сән маусымының" киімдерін сатумен айналысатын аутлет сауда орталықтары АҚШ пен Еуропада кеңінен таралып, сатып алушылардың үлкен сұранысына ие отыр.