Африка арасы

Африка арасы (лат. Apis mellifera scutellata) — Apis mellifera аралар тобына кіретін аралар түрі. Африка арасын Орталық және Оңтүстік Африкадан кездестіруге болады. Олардың даму сатысы 4 кезеңнен тұрады:

• Жұмыртқа
• Дернәсіл
• Қуыршақ
• Ересек ара

Африка арасы
Ғылыми топтастыруы
Дүниесі: Жануарлар Жамағаты: Жарғаққанаттылар Табы: Жәндіктер Кіші түрі: Apis mellifera scutellata

Африка арасының ұрықтанған жұмыртқасынан 16 күнде ара патшасы, жұмысшы және аналық аралар, ал ұрықтанбаған жұмыртқадан 24 күнде аталық аралар ғана шығады. Африка арасының аталығы бес аптадан он аптаға дейін, ал жұмысшы аралар әдетте елу күн тіршілік етеді. Жұмысшы аралардың барлығы – тек қана аналық аралар. Ұрық салатын аналық аралардың қатары сиреген кезде жұмысшы аралар ұрық салып, ұрпақ жалғастыруға қатыса береді. Африка аралары омартасын мазалағандарға бірден шабуыл жасайды. Олар осы ашушаңдығымен ерекшеленеді және ашулары бір аптаға созылады. Африка аралары омартасының кірер есігін құрт-құмырсқалардан қорғану үшін қою балауызданған балды шырыштарымен жауып қояды. Олар Еуропа араларына қарағанда омарталарын жиі тастап кетеді. Африка арасы шаққан кезде банан иісіне ұқсас феромон сұйығын бөліп шығарады. Оның шағуы салдарынан жылына 1-2 адам көз жұмады. Таулы және орманды жерлерде қара түсті Африка аралары кең тараса, ашық және жазық жерлерде оларға қарағанда тұмсығы ұзын, бірақ денесі кішірек сары түстілері кездеседі. Африка гибрид арасын Орталық және Оңтүстік Американың тропикалық аймақтарында жақсы бал өнімін алу үшін асырайды. Аналық Африка бал арасы бірнеше аталықтармен шағылысып, күніне 1500-ге дейін жұмыртқа салады.

Галерея

• 
  араныӊ таралуы
• 
  Араныӊ жанынан көрінісі

Сыртқы сілтемелер

Африка арасы жайлы қызықты мәліметтер