Серік Ахметжанұлы Аханов

Аханов Серік Ахметжанұлы - «Қазақстан қаржыгерлерінің қауымдастығы» ЗТБ Кеңесінің төрағасы.

Аханов Серік Ахметжанұлы

1951 жылы 30 қазанда Петропавл қаласы туған. 1972 жылы АХШИ-ды бітірген, экономист; 1980 жылы М.В. Ломоносов атындағы ММУ аспирантурасын бітірген. Экономика ғылымдарының кандидаты, доцент.

1981-87 жылдары - АХШИ оқытушысы, аға оқытушысы, саяси экономия кафедрасының доценті. 1987-90 жылдары - ҚКП ОК жауапты қызмөткері. 1990-91 жылдары - ҚазКСРМинистрлер кеңесі Мемлекеттік комиссиясының кеңесшісі. 1991-93 жылдары - ҚР Президенті жанындағы Экономикалық кеңесшілер кеңесінің кеңесшісі, бөлім меңгерушісі, жетекшінің орынбасары. 1993-94 жылдары - ҚР экономика министрінің орынбасары, 1-ші орынбасары, ҚР Шетелдік инвестициялар жөніндегі агенттігінің төрағасы. 1994-97 жылдары - «Қазақстан Эксимбанк» ЖАҚ Басқарма төрағасының 1-ші орынбасары. 1997-99 жылдары - ҚР Ұлттық банкі төрағасының орынбасары. 1999-2001 жылдары - ҚР қаржы вице-министрі; ҚР 1-ші экономика вице-министрі. 2001-04 жылдары -«Қазақстан Эксимбанк» ЖАҚ Басқарма төрағасының 1-ші орынбасары; «Қазкоммерцбанк» ААҚ Басқарма төрағасының кеңесшісі. 2004 жылдан - «Қазақстан қаржыгерлерінің қауымдастығы» ЗТБ Кеңесінің төрағасы.

«Құрмет» орденімен марапатталған. 2 монография мен 70-тен астам мақаланың авторы. Жұмыстағы негізгі ұстанымы: «Өзін-өзі бақылау». Іскер адамның бойындағы құнды қасиеттер: «Еңбекқорлық». Қазақстан қаржы аясына талдау: «Соңғы жылдардың ішінде қаржы секторының дамуында жақсы үрдістер байқалуда. Қаржы компанияларының активтері мен капиталдары өсуде. Қаржы қызметінің спектрі кеңейіп, олардың сапасы мен қол жетерлігі артып келеді. Жақын шет елдердің қаржы нарықтарымен интеграциялық үрдістер белсендеп жатыр».

Үйленген. Жұбайы - Қабдиева Сәния Дүйсенханқызы Қыздары - Алтынай (1984 жылы туған), Айнұр (1989 жылы туған).