Ахметқұл Рысқұлов

Ахметқұл Рысқұлов (1927 жылы, Шұбар ауылы, Талдықорған уезі, Жетісу губерниясы, Қазақ АКСР) — Қазақ КСР, Талдықорған облысы, Талдықорған ауданы, «Жаңалық» ұжымшарының агрономы. Социалистік еңбек ері (1949).

Ахметқұл Рысқұлов
Туған күні	1927 (1927)
Туған жері	Шұбар ауылы, Талдықорған уезі, Жетісу губерниясы, Қазақ АКСР
Қызметі	агроном
Марапаттары мен сыйлықтары

Өмірбаяны

1927 жылы Талдықорған уезі, Шұбар ауылында шаруа отбасында дүниеге келген. 1947 жылы ауыл шаруашылық техникумын бітіріп, Әбдіқадыр Дайыров басқаратын Талдықорған ауданындағы «Жаңалық» ұжымшарында агроном болып еңбек етті.

Ол өз қызметінде озық агротехникалық әдістерді қолданды. 1948 жылы ұжымшар мемлекетке 20 гектар алқаптың әр гектарынан орта есеппен 826,2 центнер қант қызылшасын тапсырды. Қалған алқаптардан орташа есеппен әр гектардан 310 центнер қант қызылшасы жиналды. КСРО Жоғарғы Кеңесі Төралқасының 1949 жылғы 20 мамырдағы Жарлығымен «1948 жылы бидайдан, күріштен, қант қызылшасынан және картоптан жоғары өнім алғаны үшін» Ленин ордені және «Орақ пен балға» алтын медалімен (№3690) марапатталып, Социалистік еңбек ері атағы берілді.

Сол жарлықпен звеношы Нұрила Жидебаеваға Социалистік еңбек ері атағы берілді.

1950 жылы үш ұжымшар біріккеннен кейін төрағасы Нұрмолда Алдабергенов болған Талдықорған ауданындағы ірілендірілген Сталин атындағы ұжымшарда агроном болып жұмыс істейді.

1953-1954 жылдары Талдықорған машина-трактор станциясында учаскелік агроном болды. Кейін Алматы ауыл шаруашылық институтында білім алып, 1959 жылдан бастап Қарабұлақ мал жемдейтін кеңшарында агроном болып жұмыс істеді.

1964 жылдан бастап «Жетісу» ұжымшарының бас агрономы болып еңбек етті, ал 1950 жылдан бастап бұл ұжымшардың төрағасы А.Дайыров болды.

Естелік

Оның мүсіні Алдабергенов ауылында қойылды.

Әдебиет

• Герои Социалистического Труда – казахстанцы. — Алма-Ата: Казахстан, 1970. — Т. 3.

Сілтеме

• Рысқұлов Ахметқұл. «Герои страны» сайты.